الجونة بلد السحر و الجمال
ليه الجونة تعتبر افضل واشيك وانضف منتجع في مصر بلا جدال
نحب نعرفكم علي قوانين الجونة وكل حاجة عنها بطريقه مبسطة
- الجونه كل خدماتها تتبع ادارة الجونة يعني ٩٠ ٪ من الفنادق تمتلكها ادارة الجونة وحتي المتبقي يخضع لقوانينها يعني اي شكوي من الفندق تقدر ترفعها للادارة العامة للجونه
- يعني مش هتلاقي معامله بايخه من الستاف زي ما وارد يحصل فى باقي فنادق مصر ولو حصل ترفع التليفون وتكلم الادارة
- كل الخدمات من كهربا ومياه وشوارع وحتي الشرطة تابعة للادارة بمعني انك هتلاقي حتي الشرطة هناك معاملتهم مختلفة عن اي مكان في مصر وعليها حراسة البوابات ٢٤ ساعه
- الفنادق الصغيرة هناك نضيفة جدا وبوفيه الفطار فيهم كلهم اكتر من رائع ومعظمهم الفطار داخل في السعر وعشان محدش يقول فنادق مصر غاليه فيها فنادق ب ١٥٠٠ الليله
- حتلاقي فيها كل حاجه سوق صغير تتمشي وتاكل ومحلات وسوبر ماركت وفكهاني وخضار
- هتتمشي فيها ماتزهقش وفي منتهي الامان وكأنك في منتجع خاص
- شواطئ جميلة يعيبها فقط ان البحر هادي بدون امواج اذا اعتبرناه عيب
- فيها بانجلوز زي بتوع المالديف جوه البحر طبعا مش نفس النضافه لكنها موجوده في فندق بانوراما
- فيها فندق زي فنادق انانتارا الاسيويه المميزه بان كل الفراغات بين الغرف عباره عن حمام سباحه يعني تفتح باب الغرفة تلاقي الشيزلونج محطوط وتنط في الميه علي طول Scarab club
- هي مدينة سكنيه يسكنها الاجانب مديرين شركات البترول يعني تحس انك في اوروبا
- ليها مستشفي خاص ومدرسة وجامعة خاصة ومطار وستاد يعني اللي بيعيش فيها مش محتاج ينزل الغردقه ولا حتي القاهرة مستقلة تماما
- لسكان القرى والشاليهات حتي لو مش فندق تتصل برقم زيرو يرد عليك اوبيراتور الادارة وتقدر تسألهم علي الانشطة اللي هتحصل كل يوم اثناء اقامتك
- طبعا كل الانشطة المائية المعتاده متوفره
- الذ واظرف مواصلات هي التكتوك الملون والباص المفتوح والباص الباكستاني كان هديه من رئيس باكستان وممكن تتصل بالتكتوك يجيلك اي مكان ياخدك وبسعر موحد وتابع للادارة
- ادخل علي موقع wawtrip و هاتقدر تلاقي عروض في اكتر من مدينة حول العالم
علشان منطولش عليكم من ضمن الحاجات المهمه عندهم واللى مش موجوده في اي مكان في مصر هو ان كل اللي بيشتغلوا في الفنادق او المحلات او المطاعم ممنوع يمشوا في المدينة في اماكن الزوار وليهم منطقة سكنية خاصة بيهم وفيها مطاعم ومحلات وكل حاجه وده طبعا مش طبقيه زي ما ممكن تتخيل لكن بحماية الزوار من اللي بيحصل في اماكن سياحية تانية من الشباب اللي ماشيين في الشوارع يعاكسوا الاجانب او يدايقوهم باي شكل من الاشكال
يعني الموضوع كله معمول لحماية السياح من ان حد يضايقه او ينصب عليه من الاخر وانت هناك مشهتشيل هم حاجة خش على موقعهم واعرف اكتر عنها وخليها زيارتك الجايه
